Մերկելը եւ Մակրոնը քննարկել են Սիրիայի իրադրությունը
1 րոպեի ընթերցում
![Մերկելը եւ Մակրոնը քննարկել են Սիրիայի իրադրությունը](http://armenpress.am/resized/480/static/news/b/2018/04/929670.jpg)
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Գերմանիայի կանցլեր Անգելա Մերկելը Ֆրանսիայի նախագահ Էմանուել Մակրոնի հետ ապրիլի 12-ին հեռախոսով քննարկել Է Սիրիայի իրավիճակը եւ միջազգային իրադրությունը: Այդ մասին, ինչպես հաղորդել Է ՏԱՍՍ-ը, հայտնել Է ԳԴՀ-ի նախարարների կաբինետի պաշտոնական ներկայացուցիչ Շտեֆան Զայբերտը, տեղեկացնում Է «Արմենպրես»-ը:
«Նրանք ամենից առաջ քննարկել են իրադրության զարգացումը Սիրիայում»,-նշել Է կառավարության ներկայացուցիչը, ընդգծելով, որ Մերկելը եւ Մակրոնը անհանգստություն են հայտնել «վերջերս թունավոր նյութերի կիրառման եւ քիմիական զենքի կիրառման միջազգային արգելքի Էրոզիայի սպառնալիքի կապակցությամբ»: «Կանցլերը եւ նախագահը մտադիր են այսուհետեւ Էլ այդ թեմատիկայի շուրջ սերտ կապ պահպանել միմյանց ու դաշնակիցների հետ»,-հայտնել Է Զայբերտը: