1 րոպեի ընթերցում
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: ՀՀ բնապահպանության նախարարի պաշտոնակատար Արծվիկ Մինասյանը չի կարծում, թե նոր ձևավորվելիք կառավարության կազմում ՀՅԴ-ի պորտֆելների փոփոխություններ կլինեն: Ազգային ժողովում լրագրողների հետ զրույցում Արծվիկ Մինասյանն ընդգծեց, որ ՀՀԿ-ի հետ կոալիցիոն հուշագրով բավականին շատ անելիքներ ունեն: «Չեմ կարծում, որ առնվազն մեր մասով կարող է փոփոխություն լինել, մանավանդ որ կոալիցիոն համաձայնագրով և նախատեսված ծրագրով ունենք բավական մեծ անելիքներ»,- «Արմենպրես»-ի փոխանցմամբ՝ նշեց նա:
Անդրադառնալով դիտարկմանը, թե ՀՀԿ-ն պատրաստվում է վարչապետի պաշտոնում առաջադրել Սերժ Սարգսյանի թեկնածությունը՝ արծվիկ Մինասյանն ասաց, որ ցանկացած երկրում հաղթած ուժի առաջնորդը ստանձնում է պատասխանատվությունը: