Ֆրանսիայում վաճառքում են հայտնվել Օլանդի հուշերը իր նախագահության տարիերի մասին

ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Ֆրանսիայում ապրիլի 11-ին վաճառքի են հանվում երկրի նախկին նախագահ Ֆրանսուա Օլանդի «Իշխանության դասերը» խորագրով հուշերը: Այդ մասին, ինչպես տեղեկացնում Է «Արմենպրես»-ը, գրել Է Le Parisien թերթը:

400 Էջի վրա պետության նախկին ղեկավարը պատմում Է իր հնգամյա նախագահական ժամկետի մասին: Մասնավորապես, գրքում նա գնահատում Է իր գործունեությունը երկրի նախագահի պաշտոնում, կարծիքներ հայտնում քաղաքական հարցերի շուրջ, ինչպես նաեւ պատմում Է կյանքի նկատմամբ ունեցած իր տեսակետների մասին: Այսպես, մասնավորապես, նա գրում Է, որ իր կյանքում կենտրոնական տեղն զբաղեցնում Է հումորը, «որը մեր կյանքը դարձնում Է ավելի հաճելի եւ սքողում Է մարդկության գոյության ողբերգական բնույթը»:

«Իշխանության դասերի» Էջերում Օլանդը նաեւ խոսում Է այն մասին, որ իր «կառավարությանը հաջողվել Է նվազեցնել անհավասարությունը» երկրում, սակայն, նրա խոսքով, Ֆրանսիայի ներկայիս ղեկավարությունը, ընդհակառակը, միայն վատացնում Է իրադրությունն այդ ոլորտում: Նա նաեւ հայտարարել Է, թե 2017 թվականի նախագահական ընտրություններում կարող Էր հաղթել Էմանուել Մակրոնին, պարզապես «չի ցանկացել դա անել»: Օլանդը պատմում Է ոչ միայն քաղաքականության, այլեւ իր անձնական կյանքի մասին, այդ թվում՝ Վալերի Տրիերվեյլերից բաժանվելու եւ դերասանուհի Ժյուլի Գայի հետ հարաբերությունների մասին, հաղորդել Է «Ինտերֆաքս»-ը: