Իսրայելը Սիրիայի իշխանություններին մեղադրել Է քիմիական զենքի կիրառման մեջ

2 րոպեի ընթերցում

ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Իսրայելը միացել Է արեւմտյան այն երկրներին, որոնք Սիրիայի իշխանություններին մեղադրում են քիմիական զենքի կիրառման մեջ: Ինչպես հաղորդել Է ՌԻԱ Նովոստին, Իսրայելի ԱԳ նախարարության հայտարարության մեջ ասված Է, որ անցած շաբաթ իբր տեղ գտած գրոհը վկայում Է Դամասկոսի տրամադրության տակ թունավոր նյութերի առկայության եւ երկրի իշխանությունների կողմից դրանց արտադրության շարունակման մասին, տեղեկացնում Է «Արմենպրես»-ը:

«Սիրիական ռեժիմը շարունակում Է հանցագործություններ կատարել մարդկության դեմ՝ օգտագործելով այդ արգելված զենքերը… Սիրիան կոպտորեն խախտում Է իր պարտավորությունները եւ միջազգային հանրակցության համապատասխան որոշումները»,-հայտարարել Է արտաքին քաղաքական գերատեսչությունը: Արեւմտյան երկրների վարկածով՝ քիմիական գրոհը տեղի Է ունեցել ապրիլի 7-ին Սիրիայի մայրաքաղաք Դամասկոսի մերձակա Դումա քաղաքում: Ռուսաստանը հանդես Է եկել քլոր պարունակող ռումբի վերաբերյալ տեղեկատվության հերքմամբ, որն իբր նետվել Է կառավարական ուժերի կողմից: ՌԴ ԱԳՆ-ում նշել են, որ այդօրինակ պնդումների նպատակը ահաբեկիչներին պաշտպանելն Է եւ դրսից հնարավոր ուժային գործողություններն արդարացնելը: Իր հերթին Դամասկոսը քանիցս ընդգծել Է, որ երկրում եղած ամբողջ քիմիական զենքը դուրս Է բերվել Քիմիական զենքի արգելման կազմակերպության հսկողության ներքո:

Բաժանորդագրվեք մեր ալիքին Telegram-ում