Սիրիայի վերաբերյալ ԱՄՆ-ի բանաձեւի նախագծի շուրջ քվեարկությունը կարող Է կայանալ ապրիլի 10-ին
1 րոպեի ընթերցում
![Սիրիայի վերաբերյալ ԱՄՆ-ի բանաձեւի նախագծի շուրջ քվեարկությունը կարող Է կայանալ ապրիլի 10-ին](http://armenpress.am/resized/480/static/news/b/2018/04/929294.jpg)
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Սիրիայում քիմիական զենքի կիրառման դեպքերի հետաքննության նոր մեխանիզմ սահմանելու վերաբերյալ ԱՄՆ-ի բանաձեւի նախագծի շուրջը քվեարկությունը կարող Է կայանալ ապրիլի 10-ին: Այդ մասին, ինչպես տեղեկացնում Է «Արմենպրես»-ը, հայտնել են դիվանագետներն՝ ամփոփելով ՄԱԿ-ի Անվտանգության խորհրդում (ԱԽ) տեղի ունեցած կոնսուլտացիաների արդյունքները:
Ապրիլի 9-ին ՄԱԿ-ի ԱԽ-ն դռնբաց նիստ Է անցկացրել Սիրիայի Դումա քաղաքում քիմիական գրոհի եւ Թիֆորի ռազմակայանին հասցված հարվածի վերաբերյալ հաղորդումների առնչությամբ: Բանավեճերի ավատից հետո ՄԱԿ-ի ԱԽ-ի անդամները կոնսուլտացիաները շարունակել են դռնփակ, որոնց միացել են նաեւ փորձագետները: Հանդիպումից մի քանի ժամ առաջ ԱՄՆ-ը տարածել Է Սիրիայում քիմիական զենքի կիրառման միջադեպերի հետաքննության նոր մեխանիզմ սահմանելու մասին ՄԱԿ-ի Անվտանգության խորհրդրի բանաձեւի նորացված նախագիծը: Փաստաթուղթն «ամենայն լրջությամբ դատապարտում Է Սիրիայում քիմիական զենքի կիրառման շարունակվող դեպքերը, որոնց մասին հաղորդվել Է, մասնավորապես 2018 թվականի ապրիլի 7-ի գրոհը Դումայում», հաղորդել Է ՌԻԱ Նովոստին: