1 րոպեի ընթերցում
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի և Լոնդոնի «Արսենալ»-ի կիսապաշտպան Հենրիխ Մխիթարյանի՝ Եվրոպա լիգայի շրջանակներում «Միլան»-ի դարպասն ուղարկած գնդակը ճանաչվել է «Արսենալ»-ի՝ մարտ ամսվա լավագույն գոլ:
«Արմենպրես»-ի հաղորդմամբ` քվեարկության արդյունքում հայ կիսապաշտպանը ստացել է ձայների 63 տոկոսը: Ամսվա լավագույն գոլի համար Մխիթարյանի հետ պայքարում էին նաև Աարոն Ռեմսին («Միլան»-«Արսենալ») և Պիեռ Էմերիկ-Օբամեյանգը («Արսենալ»-«Ուոթֆորդ»):
Հայ կիսապաշտպանը ճանաչվել է նաև մարտ ամսվա լավագույն ֆուտբոլիստ: