Սևակ Խանաղյանը «Եվրատեսիլ 2018»-ում հանդես կգա առաջին կիսաեզրափակիչում

ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: «Եվրատեսիլ 2018» երգի մրցույթում Հայաստանը ներկայացնող Սևակ Խանաղյանը հանդես կգա մրցույթի առաջին կիսաեզրափակիչում`16-րդ համարի ներքո:Ինչպես հաղորդում է «Արմենպրես»-ը, մասնակիցների ելույթների հերթականությունը հրապարակվել է «Եվրատեսիլ» երգի մրցույթի պաշտոնական կայքում:

Սևակ Խանաղյանը «Եվրատեսիլ-2018»երգի մրցույթում կկատարի «Քամի» երգը:

Առաջին կիսաեզրափակիչը տեղի կունենա մայիսի 8-ին՝ Պորտուգալիայի մայրաքաղաք Լիսաբոնում, իսկ երկրորդ կիսաեզրափակիչը՝ մայիսի 10-ին: Եզրափակիչը կկայանա մայիսի 12-ին:

«Եվրատեսիլ-2018» երգի մրցույթն այս տարի անցկացվելու է Լիսաբոնում: Մրցույթին կմասնակցեն 42 երկրների ներկայացուցիչներ: «All Aboard» թեմատիկ նշանաբանի ներքո բոլորը հրավիրվում են Եվրոպայի երաժշտության տոնին: