Իսրայելցի զինվորականների հետ բախումների հետևանքով ավելի քան 10 պաղեստինցի է զոհվել. կան հարյուրավոր վիրավորներ
1 րոպեի ընթերցում
![Իսրայելցի զինվորականների հետ բախումների հետևանքով ավելի քան 10 պաղեստինցի է զոհվել. կան հարյուրավոր վիրավորներ](http://armenpress.am/resized/480/static/news/b/2018/03/928303.jpg)
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Գազայի հատվածում իսրայելցի զինվորականների հետ բախումների հետևանքով նվազագույնը 11 մարդ է զոհվել, ևս 600 մարդ վիրավորվել է: Ինչպես հաղորդում է «Արմենպրես»-ը, վկայակոչելով «ՌԻԱ նովոստի»-ն, այս մասին հայտնել է Պաղեստինի առողջապահության նախարարության ներկայացուցիչ Աշրաֆ ալ-Կիդրան:
Ավելի վաղ Իսրայելը հայտնել էր, բազմահազարանոց բողոքի ակցիայի ավելի ագրեսիվ մասնակիցների դեմ հրազեն է կիրառում: Իսրայելցի զինվորականներն արյունահեղության պատասխանատվությունը դնում են ակցիայի կազմակերպիչների վրա՝ պնդելով, որ այդ ակցիաների հետևում կանգնած են ՀԱՄԱՍ շարժման ներկայացուցիչները:
Պաղեստինցի բժիշկները սոցիալական ցանցերի միջոցով իրենց հայրենակիցներին կոչ են անում վիրավորների համար արյուն հանձնել: Հարավային Հան-Յունիս քաղաքի հիմնական հիվանդանոցներն արդեն հայտնել են, որ ի վիճակի չեն նոր տուժածների ընդունել, քանի որ հիվանդասենյակները լեփ լեցուն են: