396.58
Մարիա Զախարովան պատասխանել է բանակցություններին Ստեփանակերտի մասնակցության նպատակահարմարության մասին հարցին
1 րոպեի ընթերցում
ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան անդրադարձել է Լեռնային Ղարաբաղի հակամարտության խաղաղ կարգավորման բանակցություններում Ստեփանակերտի մասնակցության նպատակահարմարության վերաբերյալ հարցին:
Ինչպես հաղորդում է «Արմենպրես»-ը, լրագրողների հետ հանդիպմանը, պատասխանելով հարցին` նպատակահարմար համարո՞ւմ է Ստեփանակերտի վերադարձը բանակցություններին, Մարիա Զախարովան նշել է, որ ՌԴ դիրքորոշումը Լեռնային Ղարաբաղի հակամարտության կարգավորման վերաբերյալ հայտնի է.
«Այն արտահայտված է համապատասխան փաստաթղթերում, որոնք տեղադրված են արտաքին գործերի նախարարության կայքում: Եթե այդ հարցում նոր մանրամասներ կամ զարգացումներ ի հայտ գան, մենք ձեզ անպայման տեղյակ կպահենք»,- ասել է ՌԴ ԱԳՆ պաշտոնական ներկայացուցիչը:
Բաժանորդագրվեք մեր ալիքին Telegram-ում