ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Չինաստանի իշխանությունները Սիրիային 5,4 հազար տոննա բրինձ են տրամադրել որպես պարենային մարդասիրական օգնություն: Այն հատկացվել Է հատուկ ծրագրով՝ «Մեկ գոտի՝ մեկ ուղի» նախաձեռնությանը համապատասխան: Այդ մասին, ինչպես տեղեկացնում Է «Արմենպրես»-ը, փետրվարի 28-ին հայտնել Է Չինաստանի Կենտրոնական հեռուստատեսությունը:
«Մենք հուսով ենք, որ այս միջոցառումները թույլ կտան նվազեցնել Սիրիայի ժողովրդի տառապանքները»,-հայտարարել Է Դամասկոսում ՉԺՀ-ի դեսպան Ցի Ցյանցզինը, նշելով, որ Պեկինը ձգտում Է ակտիվ դեր խաղալ Սիրիայի վերականգնման գործում, հաղորդել Է ՏԱՍՍ-ը: