1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Արազ Օզբիլիսը մասնակցել է «Շերիֆ»-ի ընկերական խաղին:
«Արմենպրես»-ի հաղորդմամբ` Տիրասպոլի «Շերիֆ»-ը ուսումնամարզական հավաք է անցկացնում թուրքական Բելեկ քաղաքում: Սա թիմի երկրորդ հավաքն է: «Շերիֆ»-ի մրցակիցը ֆիննական «Կուպս» ակումբն էր: «Շերիֆ»-ը պարտվել է նվազագույն հաշվով:
Հայաստանի ազգային թիմի կիսապաշտպան Արազ Օզբիլիսը թիմի մեկնարկային կազմում էր, սակայն փոխարինվեց երկրորդ կեսի սկզբնամասում:
Հաջորդ հանդիպումը «Շերիֆ»-ը կանցկացնի մարտի 8-ին, որը կրկին կլինի ընկերական: