Հալեպի ազատագրումից հետո քաղաք է վերադարձել ավելի քան 200 հազար բնակիչ

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հալեպի ավելի քան 200 հազար բնակիչ վերադարձել է քաղաքի արևմտյան հատված՝ այն ահաբեկիչներից ազատելու օրվանից սկսած: Ինչպես փոխանցում է «Արմենպրես»-ը, այդ մասին «Ռիա-նովոստի»-ին տեղեկացրել է քաղաքի նահանգապետ Հուսեյն Դիաբը:

Սիրիայի բանակը դաշնակից ուժերի աջակցությամբ Հալեպն ազատագրել է 2016 թվականի դեկտեմբերի 21-ին:

«Քաղաքի արևմտյան հատված է վերադարձել 201 հազար 308 քաղաքացի այն բանից հետո, երբ սիրիական կառավարությունը վերադարձրել է վերահսկողությունը նրա նկատմամբ»,- ասել է Դիաբը: Նրա խոսքով, ընտանիքները կարողացել են Հալեպ վերադառնալ՝ ավերակների դուրս բերումից հետո միայն: «Դուրս է բերվել 2,2 մլն քառակուսի մետր բեկոր...4470 ոչնչացված, վառված և լքված ավտոմեքենա տեղափոխվել է հատուկ տարածք»,- ասել է Դիաբը: