Քրդական ջոկատները Սիրիայի բանակի հսկողությանն են հանձնել Հալեպի մի շարք շրջաններ

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ինքնապաշտպանության քրդական ջոկատները (YPG) Սիրիայի կառավարական բանակի հսկողությանն են հանձնել Հալեպի մի շարք շրջաններ: Այդ մասին, ինչպես տեղեկացնում Է «Արմենպրես»-ը, հայտնել Է ՌԻԱ Նովոստիի թղթակիցը:

Մասնավորապես, քրդական կազմավորումները բանակին են հանձնել ավելի վաղ իրենց կողմից վերահսկվող ալ-Հալյաք, Բայիդին, աշ-Շաֆիֆ եւ Շեյխ Հիդր շրջանները: Սպասվում Է, որ առաջիկայում քրդերը բանակի հսկողությանը կհանձնեն Հալեպի Շեյխ Մաքսուդ եւ Աշրաֆիա շրջանները:

Հսկողությունը բանակին հանձնելուց հետո այդ տարածքներում պետական հաստատություններն աշխատանքը կվերսկսեն սիրիական դրոշի ներքո: