ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Զինյալները շարունակում են ականակոծել Դամասկոսի կենտրոնական թաղամասերը, որտեղ զոհերի թիվը հասել Է հինգի, վիրավորվել Է 23 խաղաղ բնակիչ: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել են քաղաքի ոստիկանությունում:
«Զինյալներն Արեւելյան Գուտայից շարունակում են գնդակոծել Դամասկոսի թաղամասերը: Արկերից մեկը պայթել Է Ջիսըր ար Ռայիսում: Երկու մարդ զոհվել Է Դամառոուզի մոտ, երկու զոհ եւ վիրավորներ կան Զաբլատանի թաղամասում»,-պատմում Է գործակալության զրուցակիցը:
Ոստիկանության տվյալներով՝ ահաբեկիչների գնդակոծման տակ են հայտնվել նաեւ կենտրոնական գրադարանի մերձակա հրապարակը, մայրաքաղաքի կենտրոնում գտնվող Շաալյան թաղամասը, քաղաքի պատմական մասը՝ Բաբ Տումա թաղամասը, Ազ Զահրա ալ Քադիման:
Դամասկոսի պատմական մասը զինյալների կողմից անընդմեջ գնդակոծվում Է փետրվարի 18-ից:
Լուսանկարը` AFP