ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Իրաքի կենտրոնական կառավարությունն առաջիկայում կչեղարկի քրդական ինքնավարության օդանավակայանների նկատմամբ կիրառված բոլոր սահմանափակումները: Այդ մասին, ինչպես տեղեկացնում Է «Արմենպրես»-ը, Իրաքի վարչապետ Հեյդար ալ Աբադին հայտարարել Է Deutsche Welle հրատարակությանը տված հարցազրույցում, որը հրապարակվել Է փետրվարի 19-ին:
«Առաջիկայում մենք Էրբիլի եւ Սուլեյմանիայի օդանավակայանները միջազգային չվերթների համար կբացենք այն բանից հետո, երբ կերաշխավորվի դաշնային իշխանությունների ներկայացուցիչների ներկայությունն այնտեղ»,-ասել Է նա: Ընդ որում՝ ալ Աբադին ընդգծել Է, որ Իրաքյան Քրդստանի անկախության շուրջ հանրաքվեն, որը պատժամիջոցների պատճառ դարձավ, «լուրջ հետեւանքներ Է ունեցել տարածաշրջանի համար», հաղորդել Է ՏԱՍՍ-ը: