Եվրոպայի լիգայի «Էստերսուդ»-«Արսենալ» խաղից առաջ 

ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Եվրոպայի լիգայի 1/16 եզրափակիչի շրջանակում Լոնդոնի «Արսենալ»-ն ուժերը կչափի շվեդական «Էստերսուդ»-ի հետ:

«Արմենպրես»-ի հաղորդմամբ` «Արսենալ»-ը կորուստներ կունենա Եվրոպայի լիգայի այս խաղարկությունում, քանի որ «զինագործների» նորեկներից մեկը` գաբոնցի հարձակվող Պիեռ-Էմերիկ Օբամեյանգը չի մասնակցի այս խաղարկությանը: Ըստ ՈՒԵՖԱ-ի կանոնադրության՝ Եվրոպայի լիգայի խաղարկությանը մեկ ակումբի կազմում մասնակցած ֆուտբոլիստը չի կարող մրցել միևնույն մրցաշրջանում մեկ այլ ակումբի կազմում:

«Արսենալ»-ն արդեն մեկնել է Շվեդիա: «Զինագործների» շարքում է նաև Հայաստանի ազգային թիմի ավագ Հենրիխ Մխիթարյանը:

Հանդիպումը կկայանա փետրվարի 15-ին և կմեկնարկի Երևանի ժամանակով 20:00-ին: