Աֆրինում պաշտպանվող քրդերն սպանել են 59 թուրք զինվորների եւ զինյալների
1 րոպեի ընթերցում
![Աֆրինում պաշտպանվող քրդերն սպանել են 59 թուրք զինվորների եւ զինյալների](http://armenpress.am/resized/480/static/news/b/2018/02/921646.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Քրդական ջոկատների մարտիկները ռազմաճակատի մի քանի հատվածներում գրոհել են թուրքական զորքերի եւ «Սիրիական ազատ բանակի» կազմավորումների վրա Հալեպից հյուսիս - արեւմուտք ընկած Աֆրինի տարածաշրջանում, տեղեկացնում Է «Արմենպրես»-ը:
Ինչպես փետրվարի 6-ին հայտնել Է Firat գործակալությունը, աշխարհազորայինները հակառակորդին կորուստներ են հասցրել Շիռանի օկրուգի Ուքեյնա եւ Դեքմեթաշ, Շադիյա (Ռաջուի օկրուգ), Շախորջե (Բուլբուլի օկրուգ) բնակավայրերի մոտ եւ Թել Քասթել բլուրներին:
Իրականացված գործողությունների ընթացքում քրդերը շարքից հանել են երեք միավոր զրահատեխնիկա եւ սպանել 59 թուրք զինվորների եւ Սիրիական ազատ բանակի զինյալների, հաղորդել Է ՏԱՍՍ-ը: