ԱՄԷ-ում նախագահի մոր մահվան առնչությամբ եռօրյա սուգ է հայտարարվել

ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Միացյալ Արաբական Էմիրությունների նախագահ շեյխ Հալիֆ բեն Զաեդ ալ-Նահայանի մոր մահվան առնչությամբ երկրում հունվարի 28-ից եռօրյա սուգ է հայտարարվել: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:

Նախագահի մայրը մահկանացուն կնքել է հունվարի 28-ին:

1948 թվականին ծնված շեյխ Հալիֆ բեն Զաեդ ալ-Նահայանը նախագահի պաշտոնը զբաղեցնում է 2004 թվականից: Նա նաև Աբու-Դաբիի էմիրության ղեկավարն է: