2 րոպեի ընթերցում
Անցած տարվա ընթացքում այդ մետաղի արժեքը 1 տոննայի դիմաց 33,2 հազար դոլարից հասել Է 75 հազար դոլարի:
Մեկ սմարթֆոնի արտադրության համար օգտագործվում Է 5-ից մինչեւ 10 գրամ կոբալտ, նոութբուքի համար՝ շուրջ 30 գրամ, Էլեկտրական ավտոմեքենաների մարտկոցի համար՝ 5-ից մինչեւ 20 կիլոգրամ:
Ընդամենը հետախուզված Է շուրջ 6 մլն տոննա պաշարներ: Կոնգոյի Դեմոկրատական Հանրապետությունում մետաղի պաշարները կազմում են 3,4 մլն տոննա. կոբալտի պաշարներ կան նաեւ Ավստրալիայում (1 մլն տոննա), Կուբայում (500 հազար տոննա), Ֆիլիպիններում (290 հազար տոննա), Կանադայում (270 հազար տոննա), Զամբիայում (270 հազար տոննա) եւ Ռուսաստանում (250 հազար տոննա): Փորձագետները հաշվել են, որ եթե այսօր բենզինով աշխատող բոլոր ավտոմեքենաները փոխարինվեն Էլեկտրաքառերով, ապա կպահանջվի 14 մլն տոննա կոբալտ, ինչն ավելի քան կրկնակի գերազանցում Է աշխարհում առկա պաշարները:
Իրավիճակը բարդանում Է նրանով, որ Կոնգոյի Դեմոկրատական Հանրապետությունում անկայուն տնտեսական ու քաղաքական իրադրություն Է: Կոբալտ արդյունահանելիս չեն պահպանվում անվտանգության կանոնները, օգտագործվում Է երեխաների աշխատանքը:
Մասնագետները իրադրությունից ելքը տեսնում են կուտակիչներում կոբալտն այլ մետաղներով փոխարինելու մեջ: