1 րոպեի ընթերցում
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ֆեդերացիայի նախագահ Ռուբեն Հայրապետյանը չի պատրաստվում հրաժարական տալ:
«Արմենպրես»-ի հաղորդմամբ` այս մասին լրագրողների հետ հանդիպման ժամանակ ասաց ինքը՝ Հայրապետյանը: «Ոչ, ես հրաժարական չեմ տալու: Ես ունեմ իմ ծրագրերը և լավ եմ անում այդ ծրագրերը: Ես չեմ տեսնում այն մարդուն, ով իմ ստեղծածի վրա կարող է ինչ-որ բան ավելացնել: Եթե կա մեկը, եկող տարի ընտրություններն են, թող գա առաջադրի իր թեկնածությունը»,-ասաց ՀՖՖ նախագահը:
Վերջինիս խոսքով` ինքը միշտ իր խոսքի տերն է եղել, և փողոցային, ընկերական խոսակցություններին պետք է վերջ տալ:
Հայաստանի ֆուտբոլի ֆեդերացիայի նախագահի հաջորդ ընտրությունները կկայանան 2019 թվականին: