Էրդողանը «Լրագրողների պաշտպանության միջազգային կոմիտեի» մրցանակաբաշխությանը ստացել է «ամենանեղացկոտ առաջնորդ» կոչումը
1 րոպեի ընթերցում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: «Լրագրողների պաշպանության միջազգային կոմիտեն» լրատվամիջոցների դեմ ամենաշատ ճնշումներ գործադրած երկրների նախագահների հատուկ մրցանակաբաշխություն է կազմակերպել:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
Կազմակերպությունը մրցանակաբաշխությանը Թուրքիայի նախագահ Ռեջեփ Թայիփ Էրդողանին շնորհել է «ամենանեղացկոտ առաջնորդի» կոչումը:
«Լրագրողների պաշտպանության միջազգային կոմիտեն» Էրդողանին նման կոչում շնորհելու հանգամանքը հիմնավորել է Թուրքիայի քրեական օրենսգրքում երկրի նախագահին կամ «թրքությունը» վիրավորելու համար քրեական պատիժ նախատեսող հոդվածի առկայությամբ: