1 րոպեի ընթերցում
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Իսրայելական բանակի հետ բախումների արդյունքում չորս պաղեստինցի սպանվել է, 888-ը`վիրավորվել Գազայի հատվածում, Երուսաղեմում և Հորդանանի Արևմտյան ափին։Ինչպես հաղորդում է «Արմենպրես»-ը` վկայակոչելով «ՌԻԱ նովոստի»-ն, այս մասին հաղորդել է պաղեստինյան Կարմիր մահիկի մամուլի քարտուղար Էրաբ ալ Ֆուկահան:
Իսրայելի անվտանգության ուժերի հետ ցուցարարների բախումները շարունակվում են արդեն ավելի քան մեկ շաբաթ, տարբեր աստիճանի ինտենսիվությամբ՝ ի պատասխան ԱՄՆ նախագահ Դոնալդ Թրամփի հայտարարության` Երուսաղեմը որպես Իսրայելի մայրաքաղաք ճանաչելու եւ դեսպանատունն այնտեղ տեղափոխելու հետ կապված: «Չորս պաղեստինցի սպանվել է դեկտեմբերի 16-ին: Նրանք սպանվել են իսրայելցի զինվորների հետ բախումների արդյունքում: Երուսաղեմում եւ արևմտյան ափին վիրավորվել է 661 մարդ, ևս 227 մարդ վիրավորվել է Գազայի հատվածում, որոնցից տասը ծանր վիրավորում է ստացել», - ավելացրել է Էրաբ ալ-Ֆուկահան: