1 րոպեի ընթերցում
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Հայոց ցեղասպանության կազմակերպիչ Ջեմալ փաշայի թոռը՝ Հասան Ջեմալն «ահաբեկչական խմբավորման քարոզչություն» իրականացնելու մեղադրանքով դատապարտվել է 1 տարի և երեք ամիս ազատազրկման, ինչպես նաև պարտավորվել վճարել տուգանք 6000 թուրքական լիրայի (շուրջ 1500 ԱՄՆ դոլար) չափով: Ինչպես հաղորդում է «Արմենպրես»-ը, այս մասին հայտնում է թուրքական «Հուրիեթ» պարբերականը:
Ջեմալի դեմ մեղադրանք էր ներկայացվել դեռ ամիսներ առաջ, սակայն դատարանը նրան արդարացրել էր:
Բողոքարկումից հետո դատարանը նոր վճռում որոշել է, որ Ջեմալը պարբերականների մեկում հրապարակված հոդվածում, գրելով Քրդական բանվորական կուսակցության (PKK) մասին, որը Թուրքիայում ահաբեկչական խմբավորում է համարվում, գովաբանել է նրանց: