1 րոպեի ընթերցում
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Եվրամիությունից Մեծ Բրիտանիայի դուրս գալու ժամանակի սահմանումը կասկածներ չի թողնում դրան անդամակցությունը դադարեցնելու երկրի մտադրության հարցում: Այս մասին Միացյալ Թագավորության վարչապետ Թերեզա Մեյը գրել Է իր հոդվածում, որը նոյեմբերի 10-ին հրապարակել Է Daily Telegraph թերթը, տեղեկացնում Է «Արմենպրես»-ը:
«Թող ոչ մեկը չկասկածի մեր մտադրության հարցում եւ հարցականի տակ չդնի մեր որոշումը, Brexit-ը կատարվում Է»,- գրել Է վարչապետն՝ ընդգծելով, որ, օրենսդրության մեջ կառավարության առաջարկած ուղղման համաձայն՝ «Միացյալ Թագավորությունը Եվրամիությունից կհեռանա 2019 թվականի մարտի 29-ին Գրինվիչի ժամանակով ժամը 23:00-ին»: ԵՄ-ից դուրս գալու օրինագիծն այս խորհրդարանի ամենակարեւոր օրենսդրական ակտն Է, քանի որ այն կարեւոր Է սահուն եւ կարգավորված Brexit-ի ապահովման համար»,- հավելել Է նա, հաղորդել Է ՏԱՍՍ-ը: