1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Իրաքի ներկայացուցիչը վերջին 45 տարվա ընթացքում առաջին անգամ կմասնակցի «Միսս Տիեզերք» գեղեցկության մրցույթին, որը նոյեմբերի 26-ին տեղի կունենա Լաս-Վեգասում: Այդ մասին, ինչպես տեղեկացնում Է «Արմենպրես»-ը, հայտնել Է SHAFAQ News-ը:
Մրցույթին կմեկնի 27-ամյա Սառա Այդանը: Նա երկրորդ տեղն Է զբաղեցրել Բաղդադում անցկացված գեղեցկության մրցույթում: Պարզվել Է, որ հաղթողն ամուսնացած Է, ուստի նրան որակազրկել են, իսկ ԱՄՆ ուղեւորվելու իրավունքն ստացել Է Այդանը:
Վերջին անգամ Իրաքը «Միսս Տիեզերք» մրցույթին մասնակցել Է 1972 թվականին: Այն ժամանակ Պուերտո Ռիկոյում երկիրը ներկայացրել Էր Վայդան Սուլեյմանը:
«Միսս Տիեզերքը» գեղեցկության ամենամյա մրցույթ Է, որոնց մասնակցում են ազգային մրցույթների հաղթողները: Այդ մրցույթի տիտղոսակրի հետ կնքվում Է մեկամյա պարտավորագիր, որից հետո նա գովազդային նպատակներով շրջում Է աշխարհում: