Տարածաշրջանային

Թուրքիայի քրդամետ կուսակցության պատգամավորը դատապարտվել է 10 տարվա ազատազրկման

1 րոպեի ընթերցում

Թուրքիայի քրդամետ կուսակցության պատգամավորը դատապարտվել է 10 տարվա ազատազրկման

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի քրդամետ Ժողովուրդների դեմոկրատական կուսակցության պատգամավոր Սելմա Ըրմաքը դատապարտվել է 10 տարվա ազատազրկման: Ինչպես հաղորդում է «Արմենպրես»-ը, այս մասին հայտնում է թուրքական Diken-ը:

Դատախազը դատարանից պահանջել էր Ըրմաքին դատապարտել 52.5 տարվա ազատազրկման՝ մեղադրելով նրան «զինված հանցախումբ ղեկավարելու» և տարբեր ժամանակներում ունեցած ելույթների ժամանակ «ահաբեկչական խմբավորման քարոզչություն անելու» մեջ:

Դատարանը, սակայն, պատգամավորին դատապարտել է 10 տարվա ազատազրկման:

Թուրքիայի Ժողովուրդների դեմոկրատական կուսակցության 9 պատգամավոր, այդ թվում և համանախագահ Սելահաթթին Դեմիրթաշը կալանավորված են: Կուսակցության մյուս համանախագահ Ֆիգեն Յուքսեքդաղը և պատգամավոր Նուրսել Այդողանը զրկվել են պատգամավորական մանդատից:

Նրանց դեմ հետաքննություն է իրականացվում «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու» մեղադրանքներով:

Կուսակցությունը պատգամավորների կալանքի օրինականության հարցով դիմել էին Սահմանադրական դատարան, սակայն այն մինչ օրս պատասխան չի տվել:

AREMNPRESS

Հայաստան, Երևան, 0001, Աբովյան 9

+374 10 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում