Իրաքում կառավարական զորքերը գրոհում են ԻՊ-ի վերջին պատվարը

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 3-ին Իրաքի կառավարամետ ուժերն սկսել են Սիրիայի հետ սահմանի մերձակա Էլ-Քաիմ քաղաքի ազատագրման գործողության երկրորդ փուլը, որտեղ գտնվում Է «Իսլամական պետություն» խմբավորման ահաբեկիչների հենակետը: Այդ մասին, ինչպես տեղեկացնում Է «Արմենպրես»-ը, հայտնել Է Al Mayadeen հեռուստաալիքը:

Նրա տեղեկատվության համաձայն, զորքերը եւ շիա աշխարհազորայինները հակառակորդի պաշտպանության առաջին բնագիծը հաղթահարել են Էլ Հուսեյբա-Քարաբիլա հատվածում եւ ընդհուպ մոտեցել քաղաքին՝ գրավելով մոտակա բարձունքները: Նրանց առաջապահ զորամասերը 2 կիլոմետր են հեռու քաղաքի կենտրոնական մասից:

Էլ-Քաիմ եւ Ռավա սահմանամերձ շրջանների վրա հարձակումն սկսվել Է հոկտեմբերի 25-ին: Գործողությանը մասնակցում են 40 հազար իրաքցի զինծառայողներ եւ շիաների «Ալ-Հաշդ աշ-Շաաբի» կազմավորումների մարտիկներ: Նոյեմբերի 2-ին զորքերը հսկողություն են հաստատել սահմանամերձ տարածքի 85 տոկոսի նկատմամբ, հաղորդել Է ՏԱՍՍ-ը: