1 րոպեի ընթերցում
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի նախագահ Բաշար Ասադն ու նրա ընտանիքը որպես պետության ղեկավարներ՝ ապագա չունեն: Ինչպես փոխանցում է «Արմենպրես»-ը, վկայակոչելով Reuters-ը, այդ մասին հայտարարել է ԱՄՆ պետքարտուղար Ռեքս Թիլերսոնը: «ԱՄՆ ցանկանում է տեսնել ամբողջական և միասնական Սիրիա՝ առանց կառավարությանը Բաշար Ասադի ներգրավվածության…: Ասադների ընտանիքի կառավարումն ավարտին է մոտենում: Միակ հարցն այն է, թե ինչպես դա պետք է իրականանա»,- ասել է Թիլերսոնը:
ԱՄՆ պետքարտուղարը նաև հայտարարել է, որ գրոհայինների դեմ պատերազմում հաղթանակի համար Ասադը պարտական է «օդից ռուսական աջակցությանը»: