Սիրիայի ապագան վճռվելու Է բանակցություններում. Ռոուհանի
1 րոպեի ընթերցում
![Սիրիայի ապագան վճռվելու Է բանակցություններում. Ռոուհանի](http://armenpress.am/resized/480/static/news/b/2017/09/905732.jpg)
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայի ապագան վճռվելու Է միայն բանակցություններում. դրա համար ընդդիմությունը պետք Է համաձայնության գա Դամասկոսի հետ: Այս կարծիքը, ինչպես տեղեկացնում Է «Արմենպրես»-ը, սեպտեմբերի 18-ին CNN հեռուստաալիքին տված հարցազրույցում հայտնել Է Իրանի նախագահ Հասան Ռոուհանին:
Նա դրական Է գնահատել Թեհրանի դերը «Իսլամական պետություն» ահաբեկչական խմբավորման դեմ մղվող պայքարում: «Մեր գործողությունները հաջող Էին, այսօր մենք ԻՊ-ի ջախջախման վերջին փուլերի վկաներն ենք»,-ասել Է Իրանի նախագահը: «Սիրիայի ապագան վճռվելու Է բանակցություններում, վերջիվերջո ընդդիմությունը պետք Է համաձայնության հասնի կառավարության հետ: Ժողովրդի կամքը կարտահայտվի ընտրություններում եւ կորոշի, թե ինչ տեղի կունենա հետագայում»,-հավելել Է Ռոուհանին, հաղորդել Է ՏԱՍՍ-ը: