Լիբանանի բանակն ԻՊ-ից կազատագրի սիրիական սահմանի 120 քառակուսի կիլոմետրը

ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Լիբանանի բանակն «Իսլամական պետություն» ահաբեկչական խմբավորումից կազատագրի Սիրիայի հետ սահմանային տարածքի 120 քառակուսի կիլոմետրը: Ինչպես հաղորդում է«Արմենպրես»-ը, այս մասին հայտնում է«ՌԻԱ Նովոստի»-ն:

«Տարածքի մի մասը, որը վերահսկում է ԻՊ-ը՝ 120 քառակուսի կիլոմետր է: Բանակի նպատակն է հասնել մինչև սիրիական սահման՝ չհատելով այն»,- ասել է լիբանանյան բանակի պաշտոնական ներկայացուցիչ գեներալ Ալի Քանսուն:

Ավելի վաղ լիբանանյան բանակի հրամանատարությունը հայտնել էր Սիրիայի հետ սահմանին ԻՊ դեմ ռազմական գործողություն սկսելու մասին: