Լիբանանը որոշել Է ԻՊ-ի դեմ գործողություն սկսել Սիրիայի հետ սահմանամերձ շրջաններում

ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Լիբանանի ղեկավարությունը որոշում Է ընդունել ռազմական գործողություն սկսել «Իսլամական պետություն» ահաբեկչական խմբավորման զինյալներից Սիրիայի հետ սահմանային շրջանների ազատագրման վերաբերյալ: Այդ մասին ասված Է երկրի պաշտպանության բարձրագույն ռազմական խորհրդի հայտարարության մեջ, տեղեկացնում Է «Արմենպրես»-ը:

«Միջոցներ են ձեռնարկվել Ռաաս-Բաալբեկում եւ Ալ-Կաայում ԻՊ-ի խմբավորման դեմ լիբանանյան բանակի մարտական գործողություններ սկսելու համար»,- նշվում Է հայտարարության մեջ:

Փաստաթղթում ասվում Է, որ Լիբանանի ղեկավարությունն ստանձնում Է ահաբեկչության սպառնալիքից երկրի ազատագրման համար պատասխանատվությունը:

Բարձրագույն ռազմական խորհրդի հայտարարությունը հրապարակվել ԷԼիբանանի նախագահ Միշել Աունի հրամանագրով անցկացված արտակարգ խորհրդակցությունից հետո, որին մասնակցել Է երկրի վարչապետ Սաադ Հարիրին, հաղորդել Է ՌԻԱ Նովոստին: