1 րոպեի ընթերցում
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ:ՀՀ կառավարությունը հաստատեց Արագածոտնի մարզպետի պաշտոնում ՀՅԴ Երևանի քաղաքային կոմիտեի ղեկավար Աշոտ Սիմոնյանին նշանակելու որոշումը:«Արմենպրես»-ի փոխանցմամբ,ՀՀ վարչապետ Կարեն Կարապետյանը շնորհավորեց Սիմոնյանին և նշեց.«Ձեր գործառույթները, մեր ակնկալիքները գիտեք: Տարածքային կառավարման ոլորտում շատ բան ենք նախատեսել, որ սկզբունքորեն պետք է փոխենք, այնպես որ Ձեզ հաջողություն ենք ցանկանում»:
Կառավարության այսօրվա մեկ այլ որոշմամբ Արագածոտնի մարզպետի պաշտոնից ազատվել էր ՀՅԴ-ական Գաբրիել Գյոզալյանը, ով պաշտոնը ստանձնել էր 2016թ. մարտին: