Symantec-ում «պատվաստանույթ» են գտել շորթիչ-վիրուսի դեմ

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Symantec հակավիրուսային ընկերությունը պնդում Է, որ գտել Է այն վիրուսի տարածումը կանգնեցնելու միջոցը, որը մեկ օր առաջ ախտահարել Է Ուկրաինայի եւ Ռուսաստանի խոշոր ընկերությունների համակարգերը: Ընկերության մասնագետները վստահացնում են, որ օգտատերն իր համակարգչի վարակումը կանխելու համար բավական Է, որ մեկ դատարկ ֆայլ ստեղծի C:\Windows-ի թղթապանակում, տեղեկացնում Է «Արմենպրես»-ը՝ հղում անելով BBC-ին:

Symantec-ում լուծումն անվանում են «պատվաստանյութ» Misha վիրուսի դեմ, որը ծածկագրում Է օգտատիրոջ համակարգի տվյալները եւ վերծանման փոխարեն պահանջում 300 դոլար վճարել բիթքոյիններով:

Իր համակարգչում վիրուսի տարածումը կանգնեցնելու համար օգտատերը պետք Է C:\Windows-ի թղթապանակում ստեղծի "perfc" անվանումով դատարկ ֆայլը՝ «սոսկ ընթերցման համար» պարամետրով:

Մի շարք այլ ընկերությունների փորձագետներ, որոնք աշխատում են կիբեռանվտանգության բնագավառում, հաստատում են, որ մեթոդը գործում Է: «Պատվաստանյութը», սակայն, թույլ Է տալիս վիրուսից վտանգազերծել միայն անհատական համակարգիչները: Ըստ որում դրանք մնում են վիրուսի կրողներ, այսինքն՝ կարող են այլ մեքենաներ վարակել իրենց ցանցում: Իսկ թե ինչպես ամբողջովին կանգնեցնել կիբեռգրոհը, առայժմ հասկանալի չԷ: