1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: ԱՄՆ-ի ռազմաօդային ուժերը մայիսի 3-ին կատարել են «Մինիթմեն-3» միջմայրցամայքային բալիստիկ հրթիռի հաջող փորձարկում, ինչի մասին հայտնել Է Միացյալ Նահանգների Գլոբալ հարվածների հրմանատարությունը, տեղեկացնում Է «Արմենպրես»-ը:
Արձակումն իրականացվել Է Կալիֆոռնիայի Վանդենբերգ ավիաբազայից: Հրթիռի չզինված գլխամասը, թռչելով 6,7 հազար կիլոմետր, ընկել Է ամերիկյան զինափորձարանի առաջադրված վայրում՝ Խաղաղ օվկիանոսի Մարշալյան կղզիների շրջանում:
«Միջմայրցամաքային բալիստիկ հրթիռի փորձնական արձակումների ծրագիրը ցուցադրում Է «Մինիթմեն-3»-ի մարտական պատրաստությունը եւ հավաստում Է ԱՄՆ-ի ունակությունն ունենալու միջուկային դիմադարձման ուժեղ եւ հուսալի ուժեր՝ որպես ամերիկյան ազգային անվտանգության եւ Միացյալ Նահանգների դաշնակիցների եւ գործընկերների անվտանգության ապահովման հանգուցային տարր»,- ասված Է Գլոբալ հարվածների հրամանատարության հայտարարության մեջ, հաղորդել Է «Ինտերֆաքս»-ը: