1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Սոչիում սկսվել Է Ռուսաստանի եւ Թուրքիայի նախագահներ Վլադիմիր Պուտինի եւ Ռեջեբ Թայիփ Էրդողանի հանդիպումը, տեղեկացնում Է «Արմենպրես»-ը՝ հղում անելով ՌԻԱ Նովոստիին:
Ռուսաստանի ղեկավարը շնորհակալություն Է հայտնել Թուրքիայի նախագահին Սոչի ժամանելու համար: «Շատ լավ Է, որ մենք հնարավորություն ունենք հանդիպելու աշխատանքային ռեժիմով, խոսելու երկկողմ փոխգործակցությունների հանգուցային հարցերի շուրջ»,-ընդգծել Է նա: Վլադիմիր Պուտինի խոսքով՝ դա խոսում Է այն մասին, որ երկու երկրների հարաբերությունները ձեռք են բերում հատուկ կարգավիճակ եւ վերականգնվում են ամբողջ ծավալով:
Իր հերթին Թուրքիայի նախագահը նշել Է, որ Մոսկվայի եւ Անկարայի համատեղ քայլերը կարող են ազդել Մերձավոր Արեւելքի վրա: «Մեր ուսերին ընկած Է շատ լուրջ աշխատանք, շատ մեծ պատասխանատվություն: Եվ ես վստահ եմ, որ այն քայլերը, որոնք մենք միասին ենք անում, կփոխեն ամբողջ տարածաշրջանի ճակատագիրը»,-ասել Է Էրդողանը:
Ավելի վաղ հաղորդվել Է, որ բանակցությունների գլխավոր թեման լինելու Է սիրիական ճգնաժամի քաղաքական կարգավորումը: