388.33
Թուրքական «Պեգասուս» ավիաընկերության մուտքը հայաստանյան շուկա անորոշ ժամանակով հետաձգվել է
1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Թուրքական «Պեգասուս» ավիաընկերության մուտքը Հայաստանի ավիաշուկա անորոշ ժամկետով հետաձգվել է: Մայիսի 3-ին լրագրողների հետ հանդիպմանն այս մասին հայտնեց ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը: «Մենք երեկ ստացանք նամակ ավիաընկերությունից: Առաջացել են որոշ տեխնիկական խնդիրներ, և ավիաընկերության մուտքը մեր շուկա այս պահին անորոշ ժամանակով հետաձգվում է»,- «Արմենպրես»-ի հաղորդմամբ` ընդգծեց Ավետիսյանը:
Նա հավելեց, որ ավիաընկերությունը, ուսումնասիրելով հայաստանյան ավիացիոն շուկան և տեսնելով, որ Հայաստանից բազմաթիվ քաղաքացիներ մեկնում են Ստամբուլ, որոշում էր կայացրել մուտք գործել Հայաստանի շուկա, սակայն տեխնիկական խնդիրների պատճառով այդ հարց անորոշ ժամանակով փակված է:
