Ֆիյոնը հիշեցրել է ժողովուրդների ինքնորոշման իրավունքի մասին եւ Ղրիմը համեմատել է Կոսովոյի հետ
1 րոպեի ընթերցում
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Ռուսաստանին Ղրիմի միանալու հետ կապված իրադրությունը քննարկելիս անհրաժեշտ Է հիշել ժողովուրդների ինքնորոշման իրավունքի եւ այն մասին, թե իր ժամանակին ինչպես Է լուծվել Կոսովոյի անկախության հարցը: Այդ մասին, ինչպես տեղեկացնում Է «Արմենպրես»-ը, մարտի 21-ին հայտարարել Է Ֆրանսիայի նախագահի թեկնածու Ֆրանսուա Ֆիյոնը:
«ՉԷ որ մենք նույնպես փոխեցինք սահմանները: Օրինակ՝ նման բան տեղի ունեցավ Կոսովոյի հետ: Գոյություն ունի հիմնարար սկզբունք, ըստ որի ժողովուրդներն ունեն իրենց ճակատագիրն ինքնուրույն որոշելու իրավունք: Եվ լինում են սահմաններ, որոնք ժամանակին որոշվել են անթույլատրելի կերպով»,- ասել Է նա մարտի 20-ին կայացած հեռուստաբանավեճերի ընթացքում, որոնց մասնակցել են պետության ղեկավարի պաշտոնի հիմնական հավակնորդները:
Չնայած պետական միջոցների վատնման մեղադրանքներին, Ֆիյոնը մնում Է Ֆրանսիայում նախագահական ընտրարշավի առաջատարներից մեկը, հաղորդել Է «Ինտերֆաքս»-ը: