Հայաստանը եւ Վրաստանը համաձայնության են եկել Վերին Լարսի այլընտրանքի հարցի շուրջ. Կարեն Կարապետյան
2 րոպեի ընթերցում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Հայաստանի վարչապետ Կարեն Կարապետյանը Վրաստանի իր պաշտոնակից Գեորգի Կվիրիկաշվիլիի հետ համաձայնության Է եկել Վերին Լարսի այլընտրանքի հարցի շուրջ: Այդ մասին, ինչպես տեղեկացնում Է «Արմենպրես»-ը՝ հղում անելով «Գրուզիա Online»-ին, նա հայտնել Է լրագրողների հետ կայացած զրույցի ընթացքում:
«Եթե ձեզ հետաքրքրում Է՝ լինելու Է արդյոք Լարսի այլընտրանքը, ապա կարող եմ ձեզ հավաստիացնել, որ, այո՛, լինելու Է: Մնացածի մասին՝ հետո, առայժմ չեմ բացում փակագծերը: Մենք համաձայնության ենք եկել ինչպես Լարսի, այնպես Էլ Էներգետիկական միջանցքի շուրջ»,-ասել Է Կարապետյանը:
ՀՀ վարչապետն իր այցը գնահատել Է արդյունավետ, ջերմ ու կառուցողական, նշելով, որ ամբողջությամբ կատարել Է այն ծրագիրը, որով ժամանել Է Վրաստան: Կողմերը համաձայնել են, որ հայ-վրացական հարաբերություններն անհրաժեշտ Է դիտարկել նաեւ տարածաշրջանային համատեքստում՝ օգտագործելով երկու երկրների հնարավորությունները: «Այն ժառանգությունը, որ մենք ունենք, անհրաժեշտ Է պահպանել եւ փոխանցել հաջորդ սերունդներին»,-հայտարարել Է Կարապետյանը:
Բանակցությունների շրջանակներում երկու երկրների վարչապետները քննարկել են նաեւ Վրաստանում ապրող հայերի վիճակը: Ինչ վերաբերում Է Հայաստանին, ապա 20-30 տարի անց Կարապետյանը Հայաստանը տեսնում Է որպես մի երկիր, որով հպարտանալու են բոլորը:
Ինչպես նշվում Է, առավոտից Հայաստանի կառավարական պատվիրակության ներկայացուցիչները՝ վարչապետ Կարեն Կարապետյանի գլխավորությամբ, այցելել են «Սբ. Գեւորգ» եւ «Սբ.Էջմիածին» հայկական եկեղեցիներ: Հայկական պատվիրակությանը դիմավորել Է Հայ առաքելական եկեղեցու վիրահայոց թեմի ղեկավար Վազգեն եպիսկոպոս Միրզախանյանը: Հայաստանցի հյուրերը մոմեր են վառել «Սբ.Գեւորգ»-ում եւ եկեղեցու բակում ծաղիկներ դրել հայ նշանավոր գործիչների շիրիմներին: