367.79
Արամ Ա կաթողիկոսն ընդունել է Լիբանանում Գերմանիայի դեսպանին
1 րոպեի ընթերցում
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Մեծի Տանն Կիլիկիո Ն.Ս.Օ.Տ.Տ. Արամ Ա կաթողիկոսը Անթիլիասի իր նստավայրում ընդունել է Լիբանանում Գերմանիայի դեսպան Մարտին Հութին: Այս մասին «Արմենպրես»-ին տեղեկացրին Կիլիկիո կաթողիկոսության մամուլի դիվանից:
Հանդիպման ընթացքում քննարկվել է Մերձավոր Արևելքի և մասնավորապես Լիբանանի իրադրությունը: Դեսպանը հետաքրքրվել է Դամասկոս և Հալեպ Նորին Սրբության կատարած այցերից:
Դեսպան Հութը Գերմանիայի արտգործնախարարի կողմից նամակ է հանձնել կաթողիկոսին, որով Արամ Ա վեհափառը հրավիրվել է մասնակցելու միջազգային համագումարի:
Բաժանորդագրվեք մեր ալիքին Telegram-ում