2 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Հալեպի արեւելքում զինված կազմավորումների պարագլուխները խախտել են քաղաքից իրենց դուրս բերելու վերաբերյալ սիրիական իշխանությունների հետ ձեռք բերված պայմանավորվածությունը եւ առավոտյան վերսկսել են մարտական գործողությունները. նրանց գրոհը հետ Է մղվել: Այդ մասին, ինչպես տեղեկացնում Է «Արմենպրես»-ը, հայտնել են Սիրիայի հակամարտող կողմերի հաշտեցման ռուսական կենտրոնում:
«Հալեպի արեւելյան շրջաններում զինված կազմավորումների պարագլուխների հետ սիրիական իշխանությունների ներկայացուցիչների պայմանավորվածություններին համապատասխան, հակամարտող կողմերի հաշտեցման ռուսական կենտրոնի կողմից նախապատրաստվել Էր քաղաքից զինյալների դուրսբերումը Իդլիբի ուղղությամբ: Պլանավորվում Էր զինյալներին ավտոբուսներով Սալահ Էդ Դին թաղամասի միջանցքով դուրս բերել տեղական ժամանակով ժամը մոտավորապես 06:00-ին: Ավելի վաղ պայմանավորված վայր տրանսպորտի ժամանումից հետո զինյալներն սկսել են գնդակոծել ավտոշարասյունը»,-ասված Է հաղորդագրության մեջ:
Ըստ կենտրոնի տվյալների, օգտվելով զինադադարից, լուսաբացին զինյալները վերախմբավորվել են եւ վերսկսել մարտական գործողությունները՝ փորձելով սիրիական զորքերի դիրքերը ճեղքել հյուսիսարեւմտյան ուղղությամբ: «Ահաբեկիչների գրոհը հետ Է մղվել: Սիրիական բանակը շարունակել Է Հալեպի՝ զինյալների հսկողության տակ մնացած արեւելյան շրջանների ազատագրման գործողությունը»,- հավելել են կենտրոնում, հաղորդել Է ՏԱՍՍ-ը:
Լուսանկարը` AP