1 րոպեի ընթերցում
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա. Վեհափառ Հայրապետը սեպտեմբերի 29-ին Վաշինգտոնում հանդիպել է Հայաստանի Հանրապետության արտաքին գործերի նախարարի պաշտոնակատար Էդվարդ Նալբանդյանի հետ: Ինչպես հաղորդում է «Արմենպրես»-ը, այս մասին տեղեկացնում է Մեծի Տանն Կիլիկիո կաթողիկոսության պաշտոնական կայքը:
Արամ Ա կաթողիկոսն ու Նալբանդյանը քննարկել են Հայաստանի միջազգային հարաբերություններին, ինչպես նաև Ադրբեջանի և Թուրքիայի հետ կապված հարցեր: Հանդիպմանը մասնակցել են Հյուսիսային Ամերիկայի Արևելյան թեմի առաջնորդ Գերշ. Տ. Օշական արքեպիսկոպոս Չոլոյանը, ԱՄՆ-ում Հայաստանի դեսպան Գրիգոր Հովհաննիսյանը և Հ.Յ.Դ. բյուրոյի անդամ Հակոբ Տեր-Խաչատուրյանը:
Հանդիպումից հետո Վեհափառ Հայրապետն ու Նալբանդյանը միասին ճաշել են: