Պորոշենկոն հանձնարարել է հեռախոսազրույցներ նախաձեռնել Պուտինի, Տուսկի, Մերկելի, Օլանդի, Բայդենի հետ
2 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Ուկրաինայի նախագահ Պյոտր Պորոշենկոն հանրապետության ԱԳ նախարարությանը հանձնարարել Է հեռախոսազրույց կազմակերպել Ռուսաստանի նախագահ Վլադիմիր Պուտինի հետ՝ Ղրիմում տեղի ունեցած իրադարձություններից հետո: Այդ մասին, ինչպես տեղեկացնում Է «Արմենպրես»-ը, հաղորդվում Է ուկրաինական պետության ղեկավարի կայքում:
Բացի այդ, Պորոշենկոն Ղրիմում տեղի ունեցած իրադարձություններից հետո մտադիր Է բանակցություններ անցկացնել Գերմանիայի ու Ֆրանսիայի ղեկավարության հետ եռակողմ «նորմանդական ձեւաչափով», ինչպես նաեւ ԱՄՆ-ի փոխնախագահ Ջոզեֆ Բայդենի եւ Եվրախորհրդի նախագահ Դոնալդ Տուսկի հետ:
Ավելի վաղ Ուկրաինայի նախագահը ցուցում Է տվել՝ ուժեղացված մարտական պատրաստության վիճակի բերել երկրի զինված ուժերի բոլոր ստորաբաժանումները Ղրիմի հետ սահմանում եւ Դոնբասում:
Օգոստոսի 10-ին ՌԴ Անվտանգության համերկրյաին ծառայությունը հայտարարել Է Ղրիմում ահաբեկչական գործողությունների կանխման մասին, որոնք պատրաստվել Էին ՈՒկրաինայի պաշտպանության նախարարության հետախուզության գլխավոր վարչության կողմից: Թերակղզում ուժեղացված են անվտանգության միջոցները, ինչպես նաեւ անցագրային ռեժիմը Ուկրաինայի հետ սահմանում:
Ինչպես նշում Է ՌԻԱ Նովոստին, Վլադիմիր Պուտինը հայտարարել Է, որ նման պայմաններում «նորմանդական ձեւաչափով» հանդիպելն անիմաստ Է: