1 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Իտալիայի իշխանությունները որոշում են կայացրել արձակել Սիցիլիայի Կոռլեոնե քաղաքի մունիցիպալ վարչակազմը՝ մաֆիայի հետ քաղաքի ղեկավարության կապերի կասկածների պատճառով, տեղեկացնում Է «Արմենպրես»-ը՝ հղում անելով BBC-ին:
Այժմ քաղաքն ուղղակիորեն կկառավարվի Իտալիայի ներքին գործերի նախարարության կողմից:
Սա առաջին դեպքն Է, երբ Հռոմը Կոռլեոնեում արձակում Է քաղաքի կառավարությունը:
Այս շաբաթ ավելի վաղ որոշումներ Էին կայացվել Իտալիայի Արցանո, Բովալինո եւ Տրոպեա քաղաքների վարչակազմերի արձակման մասին, որոնց նույնպես կասկածում են մաֆիական կառույցների հետ կապերի մեջ:
Կոռլեոնե քաղաքը հայտնի Է, ամենից առաջ, որպես դոն Վիտո Կոռլեոնեի՝ Մարիո Պյուզոյի «Կնքահայրը» վեպի եւ Ֆրենսիս Ֆորդ Կոպոլայի համանուն ֆիլմի մտացածին գործող անձի հայրենիք:
Կոռլեոնեում են ծնվել սիցիլիական մաֆիայի նաեւ իրական պարագլուխներ Սալվատորե Ռիինան եւ Բեռնարդո Պրովենցանոն: