1 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Ռուսաստանը մտադիր է «Հմեյմիմ»-ը լիարժեք ռազմաբազա դարձնել Սիրիայում եւ այնտեղ տեղակայել Օդատիեզերական ուժերի մշտական զորակազմ: Այդ մասին, ինչպես տեղեկացնում է «Արմենպրես»-ը, օգոստոսի 11-ին հաղորդել է «Իզվեստիա»-ն՝ հղում անելով ՌԴ Դաշնության խորհրդի պաշտպանության կոմիտեի առաջին փոխղեկավար Ֆրանց Կլինցեւիչին:
«Իրավական կարգավիճակի համաձայնեցումից հետո «Հմեյմիմ»-ը կդառնա ռուսական զինված ուժերի բազա, այնտեղ կկառուցվի համապատասխան ենթակառուցվածք, եւ մեր զինծառայողները կապրեն արժանավայել պայմաններում: Օդատիեզերական ուժերի խմբավորումը կարող է ավելացվել երկկողմ պայմանավորվածությունների համաձայն, բայց առայժմ առաջադրված խնդիրների լուծման ետսանկյունից այնտեղ առկա ուժերն ու միջոցները բավարար են»,- ասել է սենատորը, նշելով, որ ռազմակայանում չի պլանավորվում մշտական հիման վրա տեղակայել միջուկային զենք եւ ռազմավարական ռմբակոծիչներ: