1 րոպեի ընթերցում
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Հռոմի Ֆրանցիսկոս պապը, մեկամսյա ընդմիջումից հետո Սուրբ Պետրոսի հրապարակում տեղի ունեցած կոլեկտիվ ունկնդրության ժամանակ դիմելով հավատացյալներին, մաղթել Է, որ Ռիո դե Ժանեյրոյում (Բրազիլիա) կայանալիք Օլիմպիադան ծառայի հաշտությանն ու համերաշխությանը, տեղեկացնում Է «Արմենպրես»-ը:
«Աշխարհում, որտեղ հանդուրժողության ու հաշտության ծայրահեղ պակաս Է զգացվում, Օլիմպիական խաղերի ոգին կծառայի ոչ միայն մեդալներ նվաճելուն, այլեւ ինչ-որ շատ ավելի կարեւոր մի բանի, այն Է՝ ընդհանրության ձեւավորմանը, որում տիրում Է համերաշխությունը՝ հիմնված այն բանի ճանաչման վրա, որ մենք բոլորս մեկ մեծ ընտանիքի անդամներն ենք»,- ասել Է քահանայապետը:
2016 թվականի Օլիմպիական խաղերը տեղի կունենան օգոստոսի 5-ից մինչեւ 21-ը, հաղորդել Է ՏԱՍՍ-ը: