1 րոպեի ընթերցում
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Ֆրանսիայի նախագահ Ֆրանսուա Օլանդը, ամփոփելով հունիսի 21-ին Փարիզում ՈՒկրաինայի նախագահ Պյոտր Պորոշենկոյի հետ կայացած հանդիպման արդյունքները, հայտարարել Է, որ «նորմանդական քառյակի» գագաթնաժողովը կարող Է կայանալ, եթե դրան պատրաստ լինի Ռուսաստանը:
«Ես, Պորոշենկոն եւ Մերկելը պատրաստ ենք դրան եւ, եթե պատրաստ լինի Պուտինը, ապա մենք «նորմանդական ձեւաչափի» նոր հանդիպում կնախապատրաստենք»,-ասել Է Ֆրանսիայի նախագահը:
Օլանդը նաեւ հնարավոր Է համարել ՌԴ-ի նկատմամբ սահմանված պատժամիջոցների փուլ առ փուլ չեղարկումը՝ Մինսկի համաձայնությունների կատարման համեմատ: Պյոտր Պորոշենկոյի հետ համատեղ անցկացված մամուլի ասուլիսում նա նշել Է, որ կողմերն արդեն զգալի առաջընթացի են հասել Դոնբասի անվտանգության հարցերում:
«Անվտանգության առումով մենք զգալի տեղաշարժեր ենք տեսնում,-ասել Է Օլանդը:-Բայց առայժմ կատարված չԷ ընտրական օրենսդրության փոփոխման, ընտրությունների անցկացման եւ պատանդների ազատման պահանջը, այսինքն՝ Մինսկի համաձայնությունների ամբողջական փաթեթը դեռ պետք Է կատարվի», հաղորդել Է ՏԱՍՍ-ը: