1 րոպեի ընթերցում
ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Կոալիցիայի ուժերի օդային հարվածից սպանվել է Իրաքի Անբարի նահանգում «Իսլամական պետություն» ծայրահեղական խմբավորման պարագլուխ Աբու Վահիբը, տեղեկացնում է «Արմենպրես»-ը՝ հղում անելով BBC-ին:
Պենտագոնի ներկայացուցիչ Փիթեր Կուկի խոսքով՝ ավտոմեքենայի գնդակոծման հետեւանքով, որում գտնվում էր Վահիբը, սպանվել են եւս երեք զինյալներ:
Ավելի վաղ արդեն մի քանի անգամ հաղորդումներ են ստացվել նրա մահվան մասին, որոնք այնուհետեւ չեն հաստատվել:
«Ալ Քաիդայի» նախկին անդամ Աբու Վահիբը ամերիկյան ուժերի կողմից ձերբակալվել էր Իրաքում եւ դատապարտվել մահապատժի, բայց 2012 թվականին նրան հաջողվել էր փախչել:
Լուսանկարը` AFP