1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ:Լեգենդար շանսոնյե Շառլ Ազնավուրը, ով Հայաստանում է գտնվում «Ավրորա» մարդասիրական մրցանակաբաշխության առիթով,Երևանում այցելել է ստեղծարար տեխնոլոգիաների «Թումո» կենտրոն: «Արմենպրես»-ի հաղորդմամբ՝ «Թումո»-ից տեղեկացրնում են. «Նա շրջեց կենտրոնով, այցելեց նկարչության և երաժշտության դասընթացները, դիտեց ուսանողների աշխատանքներից մի քանիսը և շփվեց թումոցիների հետ: Ազնավուրին շատ դուր եկան «Թումո»-ի ուսանողների աշխատանքները՝ լուսանկարները, դիզայներական գործերը և հատկապես «Թումո»-ի ստարտափ Yelling Animation Studio-ի՝ Ցեղասպանությանը նվիրված կարճ անիմացիաները: Նա նշեց.«Տարիներ առաջ նման բան Հայաստանում չկար, շատ լավ գործ եք անում»»։
