1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հոնկոնգի գիտության եւ տեխնիկայի համալսարանի հետազոտողները հայտարարել են, որ իրենց հաջողվել Է մարդու օրգանիզմում հայտնաբերել սպիտակուց, որի միջոցով կարելի Է բարձրացնել Ալցհայմերի հիվանդության բուժման արդյունավետությունը: Ինչպես տեղեկացնում Է «Արմենպրես»-ը, ապրիլի 22-ին այս մասին հայտնել Է Սինհուա գործակալությունը:
«Մեզ հաջողվել Է պարզել, որ սպիտակուցի այդ տեսակն արդյունավետ կերպով նվազեցնում Է ճանաչողական գործառույթների խանգարումը եւ թեթեւացնում Է հիվանդության ախտանիշերը: Մկների վրա կատարված փորձերը հաստատել են մեր ենթադրությունները»,- հայտարարել Է ծրագրի ղեկավար Ե Յույժուն՝ նշելով, որ գիտնականներն այժմ կատարում են գիտափորձի արդյունքների ադապտացման եւ կլինիկական պրակտիկայում դրանց ներդրման աշխատանքներ:
Պաշտոնական վիճակագրության համաձայն՝ այժմ աշխարհում Ալցհայմերի հիվանդությամբ տառապում Է ավելի քան 46 միլիոն մարդ: Մասնագետների հաշվարկներով՝ մինչեւ 2050 թվականն այս թիվը կարող Է կազմել 130 միլիոն, հաղորդել Է ՏԱՍՍ-ը: