100 հազարից ավելի բրիտանացիներ են պաշտպանել հանրաքվեի համար քարոզչական գրքույկների դեմ հանրագիրը
1 րոպեի ընթերցում
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Ավելի քան 100 հազար բրիտանացիներ են խորհրդարանի կայքում ստորագրել առցանց-հանրագիրը, որով պահանջվում Է դադարեցնել Եվրամիությանը Մեծ Բրիտանիայի անդամակցության պահպանման նպատակով բնակչությանը քարոզելու կառավարական արշավը: Այսպիսով, օրենքի համաձայն՝ այժմ այն պետք Է պատգամավորների կողմից քննարկվի Միացյալ Թագավորության խորհրդարանում:
Էլեկտրոնային հանրագիրն ստորագրողներին վրդովել Է, որ կառավարությունը բյուջեից 9,3 միլիոն ֆունտ ստեռլինգ (13 միլիոն դոլար) Է ծախսել ԵՄ-ից երկրի հնարավոր դուրս գալու հետեւանքով ռիսկերի մասին տեղեկատվությամբ քարոզչական ծալագրքույկների վրա: Ընդամենը տպագրվել Է շուրջ 27 միլիոն նման գրքույկ, որոնցից յուրաքանչյուրը երկրի բնակիչների տուն կհասցվի նրանց իսկ հաշվին, հաղորդել Է ՏԱՍՍ-ը: